LC Language Adventures 2024 (A5) IRISH - Flipbook - Page 7
Eachtraí Teanga: Teangacha agus Cultúir a ghlacadh chugat féin sa bhunscoil
1.3 Smaointe don chur i bhfeidhm praiticiúil
Polasaithe Teanga
Cuireann polasaí teanga go mór le tuiscint na bpáistí ar an nasc idir teangacha
agus cultúir, mar ligeann sé do pháistí agus spreagann sé iad chun teangacha,
nach teanga na scolaíochta iad, a úsáid ar scoil agus mar chuid den phróiseas
foghlama. Ar dtús, is eiseamláir chumhachtacha iad múinteoirí agus príomhoidí
a léiríonn suim i dteangacha éagsúla agus i gcultúir éagsúla, rud a spreagann
muinín agus fiosracht páistí. Ba chóir do pholasaí teanga ról a thabhairt do
thuismitheoirí agus do chaomhnóirí, chun an spreagadh sin a threisiú.
Foghlaimíonn páistí focail agus foghlaimíonn siad gothaí gnúise, geáitsí agus
iontonuithe a bhfuil nasc acu le teangacha éagsúla, agus iad ag breathnú ar
pháistí eile ag caint i dteangacha eile.
Is féidir leo é seo a fhoghlaim go follasach nuair a
mhúineann páistí páistí eile, ach is féidir leo é a
fhoghlaim go fánach (mar shampla, nuair a labhraíonn
páistí Iodáilis sa rang nó sa chlós seans go n-úsáidfidh
siad a lámha níos minice, nó seans go labhróidh siad níos
láidre ná mar is gnách, agus mar sin de).
Seans go dtabharfaidh
páistí faoi deara go bhfuil
iompar coirp éagsúil acu, go
bhfuil cuma ‘nádúrtha’ nó
cuma ‘bhródúil’ orthu agus
iad ag caint i dteangacha faoi leith,
iad ag léiriú gnéithe éagsúla dá
bhféiniúlacht a bheadh i bhfolach i
gcásanna eile.
Mar chur chuige sa scoil uile, d’fhéadfaí páistí a
spreagadh agus tacú leo taifead a choinneáil ar a gcuid
machnamh. D’fhéadfadh an bailiúchán fás ina dhialann
nó ina phunann le imeacht ama.
7
