LC Language Adventures 2024 (A5) IRISH - Flipbook - Page 2
Eachtraí Teanga:
Teangacha agus Cultúir a ghlacadh
chugat féin sa bhunscoil
Moltar gníomhaíochtaí san acmhainn seo, agus dearadh
iad chun cuidiú le scoileanna agus múinteoirí atmaisféar
dearfach a chothú inar féidir teangacha éagsúla agus
cultúir éagsúla a iniúchadh, agus na páistí a chur ar an
eolas faoi na teangacha agus faoi na cultúir seo. Tá súil
againn go mbeidh roinnt de na smaointe úsáideach
praiticiúil i do chomhthéacs féin.
Tá dhá roinn san acmhainn. Sa chéad roinn, tá moltaí ann
ar féidir leis an scoil ar fad smaoineamh fúthu, agus sa
dara roinn déantar iniúchadh ar smaointe le húsáid sa
seomra ranga. Tosaíonn an dá roinn le líon beag
smaointe le machnamh a dhéanamh orthu, agus ansin
tá alt a dhéanann iniúchadh ar an réasúnaíocht agus
ar na hoideolaíochtaí taca. Ar deireadh, tá smaointe
le cur i bhfeidhm go praiticiúil.
