LC Language Adventures 2024 (A5) IRISH - Flipbook - Page 15
Eachtraí Teanga: Teangacha agus Cultúir a ghlacadh chugat féin sa bhunscoil
Boscaí cultúrtha/teanga
Is féidir le ranganna boscaí cultúir
agus teanga a chur le chéile, i raon
cruthanna agus méideanna. Is
féidir leis na páistí ‘coimeádán’ a
chruthú go fisiciúil, ina gcuirfidh
siad rudaí agus téacsanna éagsúla
ó thíortha agus ó chultúir éagsúla,
i dteangacha éagsúla. Fásfaidh a
leithéid de bhailiúcháin le
himeacht ama. Is féidir rud a
bhaint as anois is arís, agus
gníomhaíocht a bhunú air, m.sh.,
tomhaiseann/míníonn na páistí
an rud atá ann, an fáth a bhfuil sé
ann, an fáth a bhfuil sé tábhachtach dóibh. Is féidir téacs (m.sh., póstaer, léaráid,
fógra, léarscáil, ticéad, pictiúr pearsanta le lipéid) a léamh amach nó a bheith ina
ábhar ranga ina múineann páistí dá gcomhscoláirí. Chun teacht ar smaointe ar
bhoscaí cultúir, agus an úsáid a bhaintear astu, féach ar na samplaí seo ó iarbhunscoileanna https://ppli.ie/culture-boxes/, https://ppli.ie/resource/fla-ctcompetition-2022-2023-showcase/.
Obair thionscnaimh
Is féidir a lán nasc a dhéanamh idir teangacha agus cultúir trí ábhair a iniúchadh
i dtionscnaimh. Is bealach iontach é tionscnamh chun rannpháirtíocht
tuismitheoirí a spreagadh. Mar shampla, má dhéantar staidéar ar fhocail i
dteangacha éagsúla ar laethanta na seachtaine, nochtfar scéalta iontacha ar
bhunús agus ar fhorbairt na dtéarmaí sin (Is é an Domhnach (dominus i Laidin)
Lá an Tiarna i nGaeilge agus i dteangacha eile, ach ciallaíonn sé ‘lá na gréine’ ina
lán teangacha eile; Is é an Luan, lá na gealaí, ach lá na n-uibheacha i dteanga
eile, agus araile). Dathanna agus na naisc atá leo i gcultúir éagsúla – nochtfaidh
siad scéalta suimiúla freisin. Is minic a fheictear seo i seanfhocail agus i nathanna
cainte, agus tá sé fréamhaithe go domhain in aigne na ndaoine a labhraíonn
teanga faoi leith. Uaireanta bíonn ciall chontrártha idir teanga amháin agus
15
